திருட்டுப் பூனை

என்னைப் போல் ஒருவன்
ஏதும் அறியாத சிறுவன்
திருட்டும் உருட்டும் பழக்கம்
எங்களுக்கு இல்லை கலக்கம்

இயல்பு எங்கள் பழக்கம்
அதனால் இல்லை தயக்கம்
இயன்ற வரை அமைதி
குலைத்து விட்டால் எதிரி

தம்பி ஓடுவதே பழக்கம்
கூரை ஏறுவதே வழக்கம்
மியாவ் மியாவ் எப்போதும்
மிரட்டுச் சீற்றம் எப்பவாச்சும்

சோம்பலாய் தான் இருப்போம்
இலக்கு இல்லாமல் நடப்போம்
பசி வந்தால் பயணம்
அதுவரையில் இல்லை சலனம்

பூனையாகவே இருந்து இருக்கலாம்
புலி வேஷம் போட்டிருக்கலாம்
மனிதனாக ஏன் பிறந்தேனோ
யாருக்கும் என்னைப் புரியவில்லை

காலை முதல் மாலைவரை
கடும் உழைப்பு பிடிக்கவில்லை
இரவில் கண்விழிக்க முடிவதில்லை
இது என்னதான் வாழ்க்கையோ

இரவில் தான் நிலவுண்டு
அதைத்தவிர கண்கள் இல்லை
வான் எல்லாம் மின்மினிகள்
இயற்கை இசைக்கும் நேரமிது

பகல் போல சுடுவதில்லை
பதறி ஓடும் வேகமில்லை
பகல் கனவு கூடயில்லை
நிஜமே கனவாய் இருந்திடுமே

பூனையாக பிறக்க வேண்டும்
திருடி பாலைக் குடிக்கவேண்டும்
காலை கெட்டுப்போகும் பாலை
நாங்கள் குடித்தால் தப்பென்ன

குளிர் சாதனப் பெட்டியெல்லாம்
எங்கள் அறிவுக்குத் தெரியாது
அதுபோலக் கேடு தரும்
பழக்கம் கிடையவே கிடையாது