ராமர் கோயிலுக்கு பூமி பூஜை
ரஃபேல் போர் விமானச் சேவை
வல்லபாய் படேல் வானுயர்ந்த சிலை
என்பது சதவீத ஏழைக்கு
இவைகள் தானே தேவை
என்பதை உணர்ந்த மத்திய அரசு
வாலை ஆட்டும் மாநில அரசு
இவற்றின் முன்னே கொரோனா
ரொம்ப ரொம்பச் சிறுசு...
பெரு வெள்ளம்
பெருந் தொற்று
நாடெங்கும் சிவப்பு எச்சரிக்கை
சிறு உள்ளம்
சிறுமைப் பற்று
நயவஞ்சகம் காவியும் எச்சரிக்கை
ஐந்து விரலும்
ஐந்து இதழும்
மாறி மாறிச் சுழலும்
அவலம் என்று அகலும்...
கோடாரியும் சம்மட்டியும்
தலைத் தூக்க வேண்டும்
உலகெங்கிலும் இளையோர்கள்
கைக் கோர்க்க வேண்டும்
கார்ப்பரேட் சாயம்
வெளுத்தாக வேண்டும்
அழிந்து வரும் விவசாயம்
செழித்தாக வேண்டும்
கருத்துகள் இல்லை:
கருத்துரையிடுக