அச்சடிச்ச வாழ்க்கைக்கு
ஏன் இத்தனை மெனக்கெடல்
பத்துப் பன்னிரண்டு மணிநேரம் வேலை
ஆறெட்டு மணிநேரம் தூக்கம்
மீதம் நாலெட்டு மணிநேரம்
ஏதொன்றும் புதிதில்லை
அச்சுப் பாத்திரங்களா பள்ளிக் கூடங்கள்
வசதிகளில் தான் ஏற்றத் தாழ்வு
வாழ்க்கை எல்லோர்க்கும் சமமானதே
ஏறி இறங்காத நாடித்துடிப்பு சவமானதே
உடைகளைத் தான் மாற்றுகின்றோம்
நடைகள் என்றும் எப்போதும் போல
கடைகளைப் போல் கல்விக் கூடங்கள்
விற்றுத் தீர்க்கிறது பல சரக்கை
சுயத்தை மாற்றும் சுயநலச் சமுகம்
வேண்டுவதெல்லாம் அச்சு பொம்மைகளை
பால்யத்தில் பொம்மை விரும்பிய மனிதர்கள்
வளர்ந்து பொம்மைகளாக விரும்புவதேன்
மாறாத கதாப்பாத்திரம்
பொம்மை அன்றி வேறேதும் இல்லை
கருத்துகள் இல்லை:
கருத்துரையிடுக