மீன் பிடிக்கத் தெரியாது
மிதிவண்டி ஓட்டத் தெரியும்
ஊரில் உறவு இல்லை
கடல் இருக்கிறது
வேலை இல்லை
வயிறு இருக்கிறது
தூரத்தில் கப்பல் தெரிகிறது
பசி பார்த்துக் கொண்டிருக்கிறது
படகு இல்லை
பாடத் தெரியும்
பறவையின் சிறகுகள்
சொடுக்கிடும் தாளங்கள்
நான் பேசுவதில்லை
அலைகள் பேசுகிறது
எனக்கு விரித்த வலையில் சிக்காமல்
இருக்கச் சேதி சொல்கிறது
எல்லாக் கடற்கரையிலும்
இக் கதை இருக்கிறது...
கருத்துகள் இல்லை:
கருத்துரையிடுக