எனது பைத்தியமான செய்கைகளை எல்லாம்
யாரிடம் பகிர்ந்து கொள்வது
சேர்த்து வைக்கும் அத்தனையும்
சேட்டைகள் செய்கிறது
இயல்பான மனிதர்களைப் போல
நடிப்பு வசமாகவில்லை
இயந்திரங்கள் போல
இயங்குவதில் விருப்பமில்லை
காற்றோடு பேசுகிறேன்
மழையோடு நனைகிறேன்
விழி திறந்து துயில்கிறேன்
கண் மூடி உலவுகிறேன்
ஆனந்தத்தில் அழுகிறேன்
துக்கத்தில் சிரிக்கிறேன்
நீ இல்லாத காரணத்தால்
இவையாவும் பயித்தியமாம்
எனது பைத்தியமான செய்கைகளை எல்லாம்
யாரிடம் பகிர்ந்து கொள்வது
சேர்த்து வைக்கும் அத்தனையும்
சேட்டைகள் செய்கிறது...
மடி தேடும் கன்றுக்குட்டி
பைத்தியமா...
தேன் தேடும் பட்டாம்பூச்சி
பைத்தியமா...
இணை தேடும் குயில் பாட்டு
பைத்தியமா...
உனைத் தேடும் நான்கூட
பைத்தியமா...
ஜீவிதத்திற்கு
உணவு மட்டும் போதவில்லை
பைத்தியமான உணர்வுகளும் தேவையுண்டு
சேகரிக்கிறேன்...
கருத்துகள் இல்லை:
கருத்துரையிடுக