நான் இல்லாத
நாம் தான் வானம்
தள்ளி நின்று தன்னை
விசாலமாய் பார்க்கும் இடம்
வந்து போகும் எல்லோரும்
மேகங்கள்
இதயத்தில் ஒளிரும் விளக்கு
நட்சத்திரங்கள்
இதயத்தில் கசியும் ஈரம்
மழை
எதிர்பாரா நிகழ்வுகள்
மின்னல்
எதிர்பார்க்கும் நிகழ்வுகள்
இடியோசை
பசுமையான நினைவுகள்
வானவில்
எதுவுமே ஒட்டாமல்
வானம்
ஒட்டு உறவு அறுந்து
இறந்து போகுமிடம்
வானம்
மண்ணில் மட்டும்தான்
வானில் ஏது முகவரி
முகவரி இல்லாத
யாவும் வானம்
வானம்
எப்போதும் காத்திருக்கிறது
அழகாக பூத்திருக்கிறது
கண்மூடி
பார்க்கும் வானம்
ஞானம்
கண்திறந்து
பார்க்கும் ஞானம்
வானம்
கருத்துகள் இல்லை:
கருத்துரையிடுக