பணம்
மன வியாதிகளின் அளவீடு
சமூகம்
ஒத்த மன நோயாளிகளின் தொகுப்பு
சேமிப்பு
வேடிக்கையான நாளைய கணக்கு

வாழ்க்கைப் பேருந்தில்
பத்து சீட்டுகளை வாங்கி
பயணம் செய்கிறேன்
நின்று வரும் சக பயணிகளும்
பைத்தியக்காரர்கள்

சென்று சேருமிடம் அறியாது
இறங்கும் நேரமும் தெரியாது
உண்மை
கூட வருபவர்
இன்றி வேறேது...

இறங்கும் இடத்தில்
எல்லோர்க்கும் காத்திருக்கிறது
ஒத்த ரூபாய் கடவுச் சீட்டில்
விசா இல்லாத
மேல் நாட்டுப் பயணம்
சமத்துவம் மாறாத
படுத்தபடி சயனம்...