ராஜநாயஹம் தாத்தாவின்
முதுமை மொத்தத்தையும்
ரகசியமாக மறைத்துவிட்டு
ஏதும் அறியாதவளைப் போல
எங்கோ பார்க்கிறாள் பூக்குட்டி
தான் குழந்தை ஆனது தெரியாமல்
மகனின் மகள் பூக்குட்டி அறியாமல்
ரகசியமாக செல்ஃபி எடுக்கும்
செல்லத் தாத்தா
எங்கோ பார்ப்பதைப் போல
நம்மைப் பார்ப்பதுவும்
விளையாட மறுப்பதைப் போல
நம்முடன் விளையாடுவதுவும்
குழந்தைக்கு உரித்தான குறும்பு
தாத்தாவின் முகத்திலும்
மெல்லத் துளிர்க்கிறது
அந்த அரும்பு...
கருத்துகள் இல்லை:
கருத்துரையிடுக