ஏதாவது ஒன்றன் பின்
தொடர்ந்து போகிறேன்
ஏதாவது ஒன்றைப் போல்
மாறிவிடப் பார்க்கிறேன்
நானாக நடந்தது போல்
இந்த நடையில்லை
உள்ளிருந்து முளைத்த
விதை இதுயில்லை
பறவையின் பறத்தல்
உயிருள்ள வரை
மீன் நீந்துதல்
எறும்பு ஊர்தல்
தவளையின் தாவுதல்
எல்லாமே எல்லாமே
வாழ்வின் கடைசி வரை
உள்ளிருந்து முளைக்கும் விருட்சத்தை
வேர்கள் தாங்கி நிற்கும்
உள்ளிருந்து நகர்ந்து செல்வதுதான் உயிர்ப்பு
நகர நகர வாழ்வு விரியும்...
கருத்துகள் இல்லை:
கருத்துரையிடுக