தெளிந்து இருந்தேன்
கலங்கினேன்
தெளிவில்லாதது
தேடி அடைந்தது
ஓர் புதிய தெளிவை
கலங்கக் கலங்கக்
கிடைக்கிறது
ஓர் புதிய தெளிவு
கலங்காத நீரில்லை
கலங்காத வானில்லை
கலக்கம் ஓர் நடனம்
நடராஜன் நடனம்
நடை கூட நடனம்
நான் ஆடா நேரத்தில்
மனம் ஆடும் நடனம்
விதி ஆடும் நடனம்
விளையாட்டு நடனம்
துகளுள்ளே பொதிந்துள்ள
துகளாடும் நடனம்
ஆனந்த நடனம்
அழுகை நடனம்
ஆண்டவன் அருளிய
விலையில்லா நடனம்
அலை ஆடும் நடனம்
மலராடும் நடனம்
நமக்குள்ளே புகுந்திங்கு
காற்றாடும் நடனம்
ஜனனம் நடனம்
மரணம் தெளிவு
இறுதிவரை ஆட்டம்
வாழ்க்கை கொண்டாட்டம்
கருத்துகள் இல்லை:
கருத்துரையிடுக