ஒளிந்து பார்ப்பதை
உள்ளே வரைகிறேன்
உதிரம் தொட்டு
நேரில் பார்ப்பதை
வெளியே வரைகிறேன்
சாயம் தொட்டு
ஒளிந்து பார்க்கும் என்னையும்
ஓவியத்தில் வைத்துவிட்டேன்
நீ திரும்பிப் பார்க்கவேண்டும்
உன்னைத் தூரிகையால் திருப்பிவிட்டேன்
உதிரம் தொட்டு வரைவதையும்
உனக்குச் சொல்லிவிட்டேன்
அந்த நிர்வாண மாதிரி
எங்கோ பார்க்கிறாள்
ஏதும் தெரியாதமாதிரி...
உதிரம் தொட்டு
அவள் உள்வரையும்
அந்த ஓவியம்தான் என்ன?
கருத்துகள் இல்லை:
கருத்துரையிடுக