இரவு தோறும்
கடவுளின் பிரார்த்தனை
மனிதருக்காக
புதிதாய்
ஒரு காலையை
கடவுள் சிருஷ்டிக்கிறார்
பழைய பகல்களை
பாவ மூட்டைகளாய்
மனிதர் தோளில் சுமக்கிறார்
பகலெல்லாம்
மனிதரின் பிரார்த்தனை
தனக்காகவே
நாளையும் கடவுள்
மனிதருக்காக பிரார்த்தித்து
ஒரு புதிய காலையைப் படைப்பார்
மனிதரும்
தனக்காக தனக்காக என்று
பாவ மூட்டையே சுமப்பார்
கடவுள் தனக்காக
பிரார்த்திக்கும் ஒரு நாளில்
மனிதர் உறங்க முடியாது
காலை விடியாது...
கருத்துகள் இல்லை:
கருத்துரையிடுக