வகுப்பில் தூங்கியவருக்கும்
பாடம் நடக்கிறது
கனவுக் கரும் பலகையில்...
கவனம் சிதறாமல் கவனிக்கிறேன்
மனப்பாடம் செய்யாமல் ஒப்பிக்கிறேன்
எழுதி வைக்காமல் நினைவில் வைக்கிறேன்
ஆசிரியர் சாக்பீஸ் எடுத்து எறிந்து
பீஸ் இல்லா கனவைக் கலைந்து
எனை உருப்படாத பீஸ் என்கிறார்
பின் இருக்கை மாணவன் நான்
முன் இரு கை கட்டுவதில்லை
கனவுப் பாடங்கள் அப்படிப் பழக்கவில்லை
வகுப்பில் இருந்து துரத்தியவருக்கும்
பாடம் நடக்கிறது
சில மரத்தடியில்...
மரமெல்லாம் ஆசான்கள்
கனவெல்லாம் பாடங்கள்
மனதெல்லாம் கோலங்கள்
ஆசிரியர் தின நியாபகங்கள்....
கருத்துகள் இல்லை:
கருத்துரையிடுக