ஒடிசா ஒடிசா
இது என்ன புதுசா...
விபத்தை பழகிக் கொள் மனுசா
மூன்று ரயில்கள் ஒன்றாய் மோதினாலும்
முன்னூறு பேர் இறந்து கூவினாலும்
காதுகள் கேட்காமல் இருப்பது புதுசா...
விபத்தை பழகிக் கொள் மனுசா
இதயம் இல்லாத தேசத் தலைவர்கள்
இதயம் நொருங்கியதாய் சொல்லும்
விளம்பரங்கள் புதுசா...
விபத்தை பழகிக் கொள் மனுசா
மோடிக்கும் அம்பானிக்கும்
தனி விமானம் சொகுசா
தயாராய் இருக்கும் புதுசா...
விபத்தை பழகிக் கொள் மனுசா
வெங்காயம் விலை ஏறும்
உன் காயம் மீது ரயில் ஏறும்
காலங் காலமாய் அரங்கேறும்
அக்கிரமங்கள் புதுசா...
விபத்தை பழகிக் கொள் மனுசா
பெரும் கிரிக்கெட் அரங்குகள் கட்டும்
அறுநூறு அடியில் சிலைகள் கட்டும்
ராமருக்கு பாலம் கட்டும் புதுசா...
விபத்தை பழகிக் கொள் மனுசா
12 மணிநேரம் வேலை வாங்கும்
சில்லறை வணிகத்தை காவு வாங்கும்
பழையதை வாங்கி அச்சடித்து விற்கும் புதுசா...
விபத்தை பழகிக் கொள் மனுசா
விவசாயம் அழிந்தாலும்
தன் சாயம் கலைந்தாலும்
ஓட்டு கேட்டு வருவோம் புதுசா...
விபத்தை பழகிக் கொள் மனுசா
கருத்துகள் இல்லை:
கருத்துரையிடுக