கடந்து கொண்டிருப்பது பிழைத்தல்
கலந்திருப்பது வாழ்தல்
நேற்று வெயில்
இன்று மழை
நாளையும் பிழைப்பு தான்
வாழ்க்கை வியாபாரம் ஆகி
நெடுநாள் ஆகிறது
அரசியல் அறிவியல் சமயம்
எல்லாமே வியாபாரம் மட்டும் தான்
கடல் மலை மேகம் ஆகாயம்
எல்லாம் கடந்து
நிலவை வாங்க
உயிரை வாங்குகிறார்கள்...
அன்று
நிலத்தை பட்டா போட்டவனின்
கழுத்தை துண்டாய் போட்டிருக்க வேண்டும்
இன்று
தலையில் துண்டு போட்டு
ஆவதற்கு ஒன்றுமில்லை...
பிழைப்பை பார்க்க வேண்டியதுதான்
கருத்துகள் இல்லை:
கருத்துரையிடுக