என் போதையை
வெறித்து வெறித்துப் பார்க்கும்
கங்கு
தீக்குச்சி
காத்திருந்து பற்றவைக்கும்
என் மகிழ்ச்சிக்காக
தன் உடல் எரிந்து
காற்றில் நடனம் ஆடும்
கைகளைக் கூப்பி
மௌனமாய் நிற்பதைத் தவிர
என்னிடம் கைமாறு வேறில்லை...
கங்கு
உந்தன் மறுபிறப்பா...
வெறித்து வெறித்துப் பார்க்கும்
என்னுள்
ஆனந்தத் திரியைப்
பற்றவைக்கும்...
வெள்ளைப் புகைச் சூழ
கண்ணில்
பல நினைவுகள்
பூத்துக் குலுங்கும்
எல்லாப் பூக்களும்
உதிர்ந்துக் காத்திருக்கும்
என்னை வழியனுப்ப...
கருத்துகள் இல்லை:
கருத்துரையிடுக