நீங்கள் சொல்லிக் கேட்காதது மட்டுமல்ல
நான் சொல்லி
நானே கேட்காதது தான் அதிகம்
உங்களுக்கு மட்டும் அல்ல
எனக்கும் நானேதான் கெட்டவன்
துவேஷச் சொற்களை
தூர இருந்து வீசாதீர்கள்
அது எப்போதும் ஊற்றெடுத்து
என்னில் நிரம்பி இருக்கிறது
என்னைப் பிடிக்காமல் தானே
உங்களை நோக்கி வருகிறேன்
அனுமதிக்கக் கூடத் தேவையில்லை
அலட்சியமாக இருந்து கொள்ளுங்கள்
இந்த மழைநீரைப் போல
கொஞ்சம் தேங்கி வடிந்து விடுவேன்...
சாமி
எனக்கு நண்பன்
நண்பன்
எனக்குச் சாமி
தாய் சாமி
மண் சாமி
நீர் சாமி
வான் சாமி
நெருப்புச் சாமி
காற்றுச் சாமி
குல சாமி
எல்லைச் சாமி
ஊர் சாமி
உலகச் சாமி
சிலுவைச் சாமி
நிலவுச் சாமி
தகப்பன் சாமி
எல்லாமே தள்ளி நின்று
நாம் கும்பிடும் சாமி
நண்பன் சாமி
உடனிருக்கும் சாமி
தோள் கொடுக்கும்
தோழன் சாமி
உயிர் சாமி
உயிர் இருக்கும்வரை
சாமி
சாமி
எனக்கு நண்பன்
நண்பன்
எனக்குச் சாமி...
பிறந்தநாள் வாழ்த்துகள் சாமி
வானம் விழுந்து கிடக்கிறது
அந்தக் கிணற்றில்
எட்டிப் பார்த்த
நானும் விழுந்தேன்
நனையாமல் வீடு வந்தேன்
வானம் விழுந்து கிடக்கிறது
அவள் விழிகளில்
எட்டிப் பார்த்த
நானும் விழுந்தேன்
சிறைபடாமல் வீடு வந்தேன்
வானம் விழுந்து கிடக்கிறது
அந்த இரவில்
எட்டிப் பார்த்த
நானும் விழுந்தேன்
புதையாமல் வீடு வந்தேன்
நனையாமல்
சிறைபடாமல்
புதையாமல்
இருக்கிறேன்
நான் விழுந்தது வானத்திலா...
வானம் விழுந்து கிடக்கிறது
அந்தக் கிணற்றில்
அவள் விழிகளில்
அந்த இரவில்
நான் விழுந்து எழுந்து வர...
வானம் இல்லையென்றால்
நானும் இல்லை
விழுந்து விழுந்து காப்பாற்றும் வானம்
எழுந்து எழுந்து விழும் நானும்...
கடலொரு பக்கம்
வீடொரு பக்கம்
நடுவினில் பித்துக்குளித்தல்
உன் பழக்கம்
முத்துக்கள் அல்ல
நீ எடுத்து வருவதெல்லாம்
மனதின் சத்துக்கள்
மூன்றாம் கண் வழிநடத்தும்
ஆயிரம் கண்கள் வழித் தொடரும்
அழகான புதிரான கவி உலகம்
அதில் நிதம் உலவும் அண்ணனுக்கு
இனிய பிறந்தநாள் வாழ்த்துகள்
மின்னி மின்னி ஒளிர்கிறது
இங்கும் அங்கும் பறக்கிறது
விளக்கில்லாத தீபங்கள்
காற்றில் அணையாமல் தவிக்கிறது
பூ விளக்கில்
திரி இல்லாமல்
தேன் குடித்து எரிகிறது
பற்றி எரியாத
பட்டுத் தாவணியை
பல வண்ணங்களில் அணிகிறது
ரெட்டை ஜடை பின்னி
கண்கள் எடை போட
கண்டும் காணாமல் போகிறது...
வண்ண வண்ணப் பட்டாம்பூச்சி
என்னோடு ஆடும் கண்ணாம்மூச்சி
கடந்து கொண்டிருப்பது பிழைத்தல்
கலந்திருப்பது வாழ்தல்
நேற்று வெயில்
இன்று மழை
நாளையும் பிழைப்பு தான்
வாழ்க்கை வியாபாரம் ஆகி
நெடுநாள் ஆகிறது
அரசியல் அறிவியல் சமயம்
எல்லாமே வியாபாரம் மட்டும் தான்
கடல் மலை மேகம் ஆகாயம்
எல்லாம் கடந்து
நிலவை வாங்க
உயிரை வாங்குகிறார்கள்...
அன்று
நிலத்தை பட்டா போட்டவனின்
கழுத்தை துண்டாய் போட்டிருக்க வேண்டும்
இன்று
தலையில் துண்டு போட்டு
ஆவதற்கு ஒன்றுமில்லை...
பிழைப்பை பார்க்க வேண்டியதுதான்
என் போதையை
வெறித்து வெறித்துப் பார்க்கும்
கங்கு
தீக்குச்சி
காத்திருந்து பற்றவைக்கும்
என் மகிழ்ச்சிக்காக
தன் உடல் எரிந்து
காற்றில் நடனம் ஆடும்
கைகளைக் கூப்பி
மௌனமாய் நிற்பதைத் தவிர
என்னிடம் கைமாறு வேறில்லை...
கங்கு
உந்தன் மறுபிறப்பா...
வெறித்து வெறித்துப் பார்க்கும்
என்னுள்
ஆனந்தத் திரியைப்
பற்றவைக்கும்...
வெள்ளைப் புகைச் சூழ
கண்ணில்
பல நினைவுகள்
பூத்துக் குலுங்கும்
எல்லாப் பூக்களும்
உதிர்ந்துக் காத்திருக்கும்
என்னை வழியனுப்ப...
கதகதப்பு நீ
என்னைக் காத்திருப்பது நீ
ஊர் மூழ்கி இருந்தாலும்
தோளில் வைத்து
அந்தத் தேரில் வைத்து
கொண்டாடி இழுப்பவன் நீ
தரையில் வீழ்ந்த கொடி எனக்கு
பிடி நீ, நம்பிக்கை நீ
தந்தை நீ
விந்தை நீ
சிந்தை நீ
சிரிப்பு நீ
கண்ணீர் துடைக்கும் கை நீ
கட்டுக்குள் அடங்காத வானம் நீ
மூச்சுக்குள் அடங்கிய உயிர் நீ
சிறை நான்
ஆயுள் கைதி நீ
உன்னை எப்படி விடுவிப்பேன்...
நீ இறந்தாலென்ன?
உன் ஆயுள் இல்லை
என் ஆயுள் கைதி நீ...
கலையில் சகலகலா வல்லவன்
அரசியல் தெரியாத நல்லவன்
பல நூல்கள் அறிந்தவன்
புற நூலை அறுத்தவன்
"நாலு பேருக்கு நல்லதுன்னா
எதுவுமே தப்பில்லை" என்றவனுக்கு
சட்டமன்றத்தில் வாய்ப்பில்லையா...
"வீழ்வேன் என்று நினைத்தாயோ"
எனும் எங்கள் இந்தியன்
நாட்டுப் பற்று இல்லாதவன் தான்
உலகப் பற்று கொண்டோன் இவன்
உலக நாயகன்
நாளைய மக்கள்மன்றக் காவலன்
கமல்ஹாசனுக்கு
பிறந்தநாள் வாழ்த்துகள்
