கருத்த மேகத்திடம்
முத்தம் ஒன்றுதான் கேட்டேன்
முத்த மழையால் என்னை
முழுவதும் நனைத்தது
கருத்த குயிலிடம்
முத்தம் ஒன்றுதான் கேட்டேன்
முத்த இசையால் என்னை
முற்றிலும் நிறைத்தது
கருத்த இரவிடம்
முத்தம் ஒன்றுதான் கேட்டேன்
முத்த இருளில் என்னை
மொத்தமாய் அணைத்தது
கருநீலப் பூவிடம்
முத்தம் ஒன்றுதான் கேட்டேன்
முத்த வாசத்தில் என்னை
கொள்ளை அடித்தது
கருத்த அவளிடம்
முத்தம் ஒன்றுதான் கேட்டேன்
முடியாது என்ற சொல்லுக்குக் கூட
முத்தம் கொடுக்காமல் கடந்து சென்றாய்...
மௌனமாய் மாறிட
வரம் ஒன்று கேட்டேன்
மௌனத்தை முத்தமிடும்
உன் இதழ்களில் சேர்ந்திட...
மேகத்திடம் குயிலிடம்
இரவிடம் பூவிடம்
கேட்டதெல்லாம் கூட
உன் இதழ்களில் சேர்ந்திடத்தானே...
கருத்துகள் இல்லை:
கருத்துரையிடுக