நரைப்பட நரைப்பட
நீ நாயகன்
திரைப்பட நாயகர்கள் போல்
'கட்' என்றால் நிறுத்துவதில்லை
இந்தக் களநாயகன்
செய்யாற்றில் பிறந்ததாலா
செயலாற்றலுடன் வாழ்ந்தாய்
நூலாலையில் உழைத்ததாலா
தன்மானத்துடன் திரிந்தாய்
சட்டமன்றமும் நாடாளுமன்றமும்
உன் நிராசை
நீதிக்காக வீதிக்கு வந்தது
உன் பேராசை
சமூகம் உன்னை
குனிய வைத்துக் குத்தியது
இருந்தும்
சமூகத்தை நீ
நிமிர வைக்கக் கத்தியது
இனி எப்போதும்
இங்குக் கேட்க்கப் போவதில்லை...
உடல்நலம் சரியில்லாமலா இறந்தாய்
இல்லை...
பொதுநலம் சரியில்லை
போராடிப் போராடி மறைந்தாய்
உன்னையே நீ
விதையாய் புதைத்தாய்
வீதி வீதியாய்
போராட்டங்களாய் முளைப்பாய்...
இது மறுநாள் ஒப்பாரி
உயிர்த்தெழுந்து வருவாய்
நீ முற்போக்கு முளைப்பாரி...
கருத்துகள் இல்லை:
கருத்துரையிடுக