கறிக்கடைக்கு வந்தாள்
என்ன வேண்டும் என்றான்

பழக்கடைக்கு வந்தாள்
என்ன வேண்டும் என்றான்

பூக்கடைக்கு வந்தாள்
என்ன வேண்டும் என்றான்

ஓவியங்கள் விற்குமிடம் வந்தாள்
என்ன வேண்டும் என்றான்

அந்தப் பெண்
எதுவுமே பேசவில்லை
எல்லாவற்றையும்
வாங்கிச் சென்றாள்

சும்மா இருந்தவனிடம்
வந்த அந்தப் பெண்ணை
என்ன வேண்டும் என்றான்

அந்தப் பெண்
இப்போதும் பேசவில்லை
கவிதையொன்றை
வாங்கிச் சென்றாள்

நானும் கூட ஒரு
குழந்தைக்கு முத்தம் தந்தேன்
அப்போது அங்கு அந்த
பெண்ணும் வந்தாள்
என்ன வேண்டும் என்றேன்
அவள் ஏதும் பேசவில்லை...

தினமும்
அந்தக் குழந்தையுடன்
காத்திருக்கிறேன்...