வானில் நான் இன்னும் குழந்தைதான்
நட்சத்திரங்களை எண்ணிக்கொண்டே
வாங்கச் சென்ற பொருட்களை மறப்பேன்
மறப்பேன் என்று எழுதித் தந்த
காகிதத் துண்டையும் இழப்பேன்
பின் தலையில் சொறிந்து
மறந்ததை எடுப்பேன்
சர்க்கரை வாங்கித் திரும்புகையில்
சிறிது மண்ணில் இறைப்பேன்
என்னைப் போலவே வந்து
எண்ணுகிறது ஒரு எறும்பு
மண்ணில் நீ இன்னும் குழந்தைதான்
வானில் நான் இன்னும் குழந்தைதான்...
நட்சத்திரங்களை எண்ணிக்கொண்டே
மீண்டும் மறந்து கொண்டிருக்கிறேன்
வாங்கி வந்ததையெல்லாம்...
கருத்துகள் இல்லை:
கருத்துரையிடுக