எறும்புக் கூட்டம் போல்தான்
மனிதக் கூட்டமும் தெரியும்
ஆனால் கூடி வாழத் தெரியாது
எறும்புக் கூட்டம் கலைந்து சென்றால்
இடம் சுத்தமாக இருக்கும்
மனிதக் கூட்டம் கலைந்து சென்றால்
இடம் குப்பையாக இருக்கும்
எறும்புக் கூட்டம்
தானே வரிசையில் போகும் வரும்
மனிதக் கூட்டத்தால் அது இயலாது
எறும்புக் கூட்டம்
இயற்கை கொடுப்பதையே உண்ணும்
மனிதக் கூட்டம்
இயற்கையை கெடுத்து உண்ணும்
ரேஷன் கார்டு
வோட்டர்ஸ் கார்டு
பேன் கார்டு
ஆதார் கார்டு
இல்லாமலே
வாழத் தெரிந்ததெல்லாம்
ஐந்தறிவு
பிறப்புச் சான்று
இறப்புச் சான்று
சாதிச் சான்று
தேவையில்லை என்பதற்கு
ஒரே சான்று
ஐந்தறிவு
சட்ட மன்றம்
பாராளுமன்றம்
எல்லாமும் கூட
மன்றாடும் இந்த
ஆறரிவுக்கு மட்டும்தானே...
கருத்துகள் இல்லை:
கருத்துரையிடுக