நிழல்கள் மரத்தடியில் வரிசையாக அமர்ந்தது
நிழலில் மனிதர்கள்
வரிசை இல்லாமல் அமர்ந்தனர்...
நிழல்கள் பறந்து போனது
மனிதர்கள் நடந்து போயினர்
நிழல்களைத் தேடி...
வந்தமர்ந்து பறந்து போகும்
நிழல் பறவைகளின் சில இறகுகள்
இங்கொன்றும் அங்கொன்றும் இரைந்து கிடக்கின்றன...
ஒளிச் சிறகுகள் விரித்து
பறந்து திரியும் நிழல் பறவைகள்
தானாக வந்தமரும்
சிலநேரம் மரத்தடியில்
சிலநேரம் மனத்தடியில்...
கருத்துகள் இல்லை:
கருத்துரையிடுக