உள் நாட்டினில்
நடந்தே சுற்றிய கோமாளி
அவர் சிலைகளை எல்லாம்
உடைத்து விடுங்கள்
நாடெங்கும் அரை ஆடையுடன்
நிற்கிறது
உங்கள் விலை ஆடைகளை
தந்தாலும்
பாவம் பறவைகளுக்கும்
தெரியப் போவதில்லை
அவர் மகாத்மா என்று...
காந்தியை மறந்துவிட்டார்கள்
இந்தியை இந்தியா எங்கும்
விதைக்கிறார்கள்
கிராமங்களை நகரமாக்க
பாடாய்ப் படுகிறார்கள்
இவர் சாயம் அழியவில்லை
விவசாயம் அழிகிறது
மோடிக்கு நிறக் குருடோ
கறுப்பை அழிக்க வந்தவர்
பச்சையை எல்லாம் அழிக்கிறார்
இந்த சிலைகளையும்
சேர்த்து அழியுங்கள்
மிச்சமும் மீதியுமாக
இந்த மனசாட்சி மட்டும் எதற்கு?
கருத்துகள் இல்லை:
கருத்துரையிடுக