கொடுத்ததை வைத்து வாழும் பறவை
இறைவனை வேண்டுவதில்லை
இருசிறகினை ஏந்திப் பிழைத்து
பாரங்கள் சேர்ப்பதில்லை

 

நாமும்
ஒரு ஆசிரமத்தை

ஆரம்பிச்சிட வேண்டியதுதான்...

பெயரில்லாப் பெருவாழ்வு (37)

 

பொருந்தாத மூடிக்கு
கிடைத்து இருக்கிறது

புறக்கணிப்பும் சுதந்திரமும்...

பெயரில்லாப் பெருவாழ்வு (36)

 

ஆசையோ பேராசையோ
துளியோ கடலோ

ஆவியாகும் வரை உப்பிருக்கும் 

பெயரில்லாப் பெருவாழ்வு (35)

 

நிலையாமையைத் தான் சொல்கிறது அறிவியல்
நிலைத்து நிற்கும் அணுஉலை

என்று யார் சொன்னது...

பெயரில்லாப் பெருவாழ்வு (34)

 

எல்லா உயிர்களும் உலகமும் அணுகுண்டுதான் 
அணுக்கரு ஒன்றின் தொடர்வினைதான்

அழிவை நோக்கி வளரும் வாழ்க்கை...

பெயரில்லாப் பெருவாழ்வு (33)

 

தானே ஆயுதம்
தானே ஆலயம்

நாளும் ஜீவிதம்...

பெயரில்லாப் பெருவாழ்வு (32)

 

மலரும்
வாடும்

பூக்கள் தானே மனதும்...

 

சின்னப் பறவை தான்
சிட்டுக் குருவி தான்
மனதை வேட்டை ஆடுது

சிறிய சிறகு தான்
சிறுசிறு அசைவு தான்
இதயம் சிக்கல் ஆனது

குட்டிப் பாடல் தான்
குறைந்த ஓசை தான்
உயிரை கொண்டுப் போகுது

பறக்கும் சிறு நதி நீதான்
வெற்றுப் படகு நான்தான்
இலக்கில்லாத காதல் பயணம்

தொடக்கமானது...

 

மழைச் சாரல்
கையைப் பிடித்து இழுக்கிறது
உடல் பணிச் சுமையால்
தயங்கி ஒதுங்கி இருக்கிறது
மனம் குழந்தையாகி
ஜன்னல் தாண்டிக் குதிக்கிறது
நீர்க் குமிழி கப்பல்களை
தள்ளிவிட்டு ரசிக்கிறது
மின்னல் கயிறுகளை
எட்டித் தாவிப் பிடிக்கிறது
சட்டெனவே கயிறறுந்து விடுகிறது
தொப்பெனவே குழந்தை மனம் விழுகிறது
மழையைக் கட்டிப்பிடித்து
இங்கும் அங்கும் புரள்கிறது
தள்ளி நிற்கும்
இந்த உடல் ஏனோ நடுங்குகிறது...
கையைக் கூட நனைக்காமல்
கண்கள் மட்டும் நனைந்து
பார்த்துக்கொண்டு இருக்கிறது
மனக் குழந்தையின் சேட்டைகளை...

 

கற்ச் சிலைக்குப் பாலூற்ற
கடவுள் மறுக்கிறது
பசித்த பிள்ளைக்குப் பாலூட்ட

கடவுள் சிரிக்கிறது 

மூன்றாம் பால்

 

பழக பயந்து
புறக்கணிக்கிறேன் 
பழுதான மனதின்
உடனிருக்கிறேன்
அறியக் கூட
தயங்கி நிற்கிறேன் 
அறியாமையோடு
கலந்திருக்கிறேன் 
மனிதப்பிறவி தான் 
மறுதலிக்கிறேன்
மனிதாபிமானமின்றி 
எதுவாக இருக்கிறேன்...
இரண்டு காலில்
நடக்கிறேன்
இருந்தும் மனிதனாக
மறுக்கிறேன்
மூன்றாம் பால் உன்னை
முற்றிலும் வெறுக்கிறேன்
முப்பால் படித்தும்
முட்டாளாக இருக்கிறேன்
மன்னிப்பால் என்னை
மனிதனாக்கு
அன்னைப்பால் 
அருந்திய நம்மை
அன்பால் சமமாக்கு

சகோதரத்துவமாக்கு...

பெயரில்லாப் பெருவாழ்வு (31)

 

நான்
இல்லாத நேரம்

வானில் இருக்கிறேன் சிறகுடன்...

 

இயற்கை மடியில்
தலைசாயும் போது
தாலாட்டு கேட்கிறது...

மௌன கீதத்தில்
சங்கீதம் சேர்கிறது
பறவையின் கீச் ஒலி
நீர் பரப்பின் மீது
துள்ளிக் குதிக்கும் மீன் ஒலி
நாக்கில்லாத மூங்கில் சேர்க்கும்
ஆலாபனை ஒலி
இலையும் கிளையும்
மரமும் கொடியும்
அசைந்து எழும்பும்
மங்கல ஒலி
காதின் அருகே பறந்து செல்லும் 
தட்டான் பட்டாம் பூச்சிகள் சிறகொலி
வெட்டுக்கிளிகள் தாவும் ஒலி
தவளைகளின் கோரஸ் ஒலி
மௌன கீதத்தில்
சங்கீதம் சேர்கிறது

தாலாட்டு கேட்கிறது...

 

ஒன்பது விலாசம் மாறிவிட்டது
என்னை நிறைய மாற்றிவிட்டது
மாறிக் கொண்டும்
மாற்றிக் கொண்டும் இருப்பதால்
வந்த குழப்பம்
தற்போதைய தற்காலிக முகவரியை
குறிப்பெடுத்துக் கொள்கிறது
உடனுக்குடன் தருவதற்கு

தாமதமாகத் தந்தால்
பழைய முகவரியாய்
மாறக்கூடும்

முகவரிகள் மாற மாற
முக வரியும் மாறிவருகிறது
தலை வரிகள் இப்படித்தான் எனில்
தலை குனிந்தாவதுதான் ஏது?

தலை நிமிர்ந்தே நடந்திடுவேன்
தரணியிலே எனக்குச் சொந்த முகவரிகள்
இரண்டு உண்டு

அன்னை மடி ஒன்று
மண்ணின் மடி இன்னொன்று
கதவெண்கள் இல்லாததால்
வாடகையும் வாங்கவில்லை
இருந்தும் என்னையே கொடுப்பதற்கு
காத்துக்கொண்டு இருக்கிறேன்
நாற்பது வருடங்களாய்...

 

குழந்தை மனம்

வளர வளர பறந்து விடுகிறது

பால்ய நினைவுகள் மட்டும்

நெஞ்சுக்குள் அடிக்கடி

சிறகுகள் அடிக்கிறது...

 

இரண்டு பெட்டிச் சொத்துக்காரன் 
உலக மாணவர்களின் சொந்தக்காரன்
விண் வழிக்கு குறுக்கு புத்திக்காரன்
பணம் சேர்க்காத பைத்தியக்காரன்

எளிமையையே நாணச் செய்த காதலன்
சீதையையும் சீண்டாத 
ராமேஸ்வரத்து ஸ்ரீராமன் 
குழந்தைகளைக் கொஞ்சுவதில் இன்னுமொரு நேருமாமன்

கைக் கால் இல்லாதவர்களின் பிதாமகன் 

பெயரில்லாப் பெருவாழ்வு (30)

 

உன்னையும் என்னையும்
இணைப்பதைத் தவிர

சத்தியம் வேறேது...

பெயரில்லாப் பெருவாழ்வு (29)

 

தனக்கான நிழல் மறுக்கப்பட்டாலும்
தன் நிழல் தந்து நிற்கும்

தரு என்றும் மறுப்பதில்லை...

பெயரில்லாப் பெருவாழ்வு (28)

 

உனக்கும் எனக்கும்
வேண்டாததைத் தான்

இந்தப் பறவைகள் செய்கின்றன...

பெயரில்லாப் பெருவாழ்வு (27)

 

நாம் என்ற வார்த்தை இறந்துவிட்டது
நான் நீ எல்லாம்

பிணத்தை வைத்து வியாபாரம் செய்கிறோம்...

பெயரில்லாப் பெருவாழ்வு (26)

 

நட்சத்திரங்களின் விலை கேட்டேன்
மண்ணை விற்பவர்கள் 

என்னைப் பார்த்துச் சிரிக்கிறார்கள்...

பெயரில்லாப் பெருவாழ்வு (25)

 

மனிதன் மட்டுமே தனக்காக சேமிக்கிறான்
மற்றவை யாவும் பொதுவாக சேமிக்குபூமியெனும் உலகவங்கியை அவை பூட்டுவதில்லை...

பெயரில்லாப் பெருவாழ்வு (24)

 

பலநாள் பட்டினி காணும்
சிலர் உணவைத் தான்

பாவி நானும் கொழுப்பாகப் பதுக்குகிறேன்...

பெயரில்லாப் பெருவாழ்வு (23)

 

ஓசோன் அடுக்கிலும்
பசித்த வயிற்றிலும் ஓட்டை

நன்றாகத் தெரிகிறது உலக அழிவு...

 

எல்லா நம்பிக்கையும் இழந்து நான்
ஏதோ ஒரு நம்பிக்கையுடன் இவன்
சிறு புன்னகையால் எனை தூக்கி நிறுத்துகிறான் 

என் எதிர்காலத் தலைவன்...

பெயரில்லாப் பெருவாழ்வு (22)

 

எல்லா வயிற்றுக்கும் உணவு இருக்கிறது
நமக்கு பகிர்ந்து கொள்ளும் 

மனம்தான் இல்லை...

ஹத்ராஸ் மனீஷா

 

உள்ளூரில்
எல்லை தாண்டியவர்களை
தடுக்கத் துப்பில்லை
சீன எல்லையிலும்
ஏனைய எல்லைகளிலும்
நாடகம் போடுகிறார்கள்...

புல் எடுக்கச் சென்றவளை
மேய்ந்துவிட்டது மேல்ஜாதி மாடுகள்
மாட்டை வெட்டத் தடுக்கிறார்கள்
அதை மேய்க்கும் திருட்டுக் கிருஷ்ணர்கள்

ராம ஜென்ம பூமியில்
காம வன்ம லீலைகள்...
வில்லும் அம்பும் இதன் குறியீடு
ஏழைப் பெண்கள்தான் பலி ஆடு

விலை உயர்ந்த ஆடையிலே
ஒளிந்திருக்கும் தலைவனே
கிழிந்த ஆடை பெண்களுக்கு
உதவி செய்ய வருவாயா?

தண்டிக்க வேண்டும்
நால்வரை மட்டுமல்ல
நாடாள்பவர்களையும் தான்

பெயரில்லாப் பெருவாழ்வு (21)

 

காற்றை சேமிக்கக் கற்றுக்கொண்டால்
ஏழை ஒருவருக்கும்

மூச்சு இருக்காது...

காந்தி

 

வெளி நாட்டிலிருந்து வந்த ஏமாளி
உள் நாட்டினில்
நடந்தே சுற்றிய கோமாளி
அவர் சிலைகளை எல்லாம்
உடைத்து விடுங்கள்
நாடெங்கும் அரை ஆடையுடன்
நிற்கிறது
உங்கள் விலை ஆடைகளை
தந்தாலும்
பாவம்  பறவைகளுக்கும் 
தெரியப் போவதில்லை
அவர் மகாத்மா என்று...

காந்தியை மறந்துவிட்டார்கள்
இந்தியை இந்தியா எங்கும்
விதைக்கிறார்கள்

கிராமங்களை நகரமாக்க
பாடாய்ப் படுகிறார்கள்
இவர் சாயம் அழியவில்லை
விவசாயம் அழிகிறது

மோடிக்கு நிறக் குருடோ
கறுப்பை அழிக்க வந்தவர்
பச்சையை எல்லாம் அழிக்கிறார்

இந்த சிலைகளையும்
சேர்த்து அழியுங்கள் 
மிச்சமும் மீதியுமாக

இந்த மனசாட்சி மட்டும் எதற்கு?

பெயரில்லாப் பெருவாழ்வு (20)

 

பசி மரணங்கள் மண்ணில்
சைவ உணவுகள் உண்டாலும்

அது நர மாமிசம் தான்...