நல்லவர்களால் செய்யப்பட்டச் சட்டம்
எப்படித் தீயவர்களுக்குப் பொருந்தும்

நல்லவர்கள் இடரி வீழ்வதைக் கூட
தாங்கிப் பிடிக்காது

நடந்துவந்த பாதையை நாமறியாமல் யாரறிவார்

அமைதி என்றுமே சாட்சியாய்
கூடவே பயணிக்கிறது

குற்றவாளிகள் என யாரும் இல்லை
குற்றச் சூழ்நிலைகள் தான் உருவாக்கப்படுகின்றன

இதில் பங்களிக்காதவர் பிறக்கவே இல்லை
பட்டாம்பூச்சியின் சிறகசைப்பிற்கும் பங்குண்டு
பட்டப்பகல் நட்டநடுஇரவு எதற்குமே விதிவிலக்கல்ல

கொடுக்குச் சுத்தியலால் தட்டித்தட்டி
அமைதியை மென்மேலும் குலைத்து
சட்டச் சிலந்திகள் கொழுத்துக் கொண்டே போகிறது

பாவம் இரைகள்...