நண்பன் காத்திருந்தான்
வரும் வழியெங்கும்
வேடிக்கை பார்த்துக் கொண்டே
மெதுவாக வந்தேன்
ஆசிரியர் காத்திருந்தார்
ஆர்வம் எனக்கில்லை
நேரம் அலைக்கழித்து
தாமதமாய் வகுப்பு வந்தேன்
அன்னை காத்திருந்தாள்
எனது எல்லா வேலையும்
செய்து முடித்துவிட்டு
சாவகாசமாக வீடு வந்தேன்
காதலி காத்திருந்தாள்
எங்கிருந்து வந்தது
எப்போதும் இல்லாத வேகம்
எப்போதும் இல்லாத ஆர்வம்
எப்போதும் இல்லாத அவசரம்...
இடியொலியைப் போல் வந்தேன்
ஒளிமின்னல் அவள் முகத்தில்
மெல்ல மலர்கிறது...
கருத்துகள் இல்லை:
கருத்துரையிடுக