இரவெல்லாம் முழு மூச்சாய்

தூங்கி உழைத்து

ஆற்றலை ஈட்டுகிறேன்

பகலெல்லாம் பலப்பல

துண்டுத்துண்டுக் காரியங்களில்

ஓய்வெடுத்துக் கரைக்கிறேன்

பகலெல்லாம் முழு மூச்சாய்

ஒரு வேலை

ஒரு ஓய்வு வேண்டும்

பொழுதெல்லாம்

ஒரு மூச்சில்

ஒரு பயணம் போகும்வரை... 

இன்றைய அரசியலை

எதிர்த்துப் பேசினால் தீவிரவாதி

எதிர்ப்பது போல் பேசினால் திராவிடவாதி

தலையை இடம் வலம் ஆட்டுவார் இடதுசாரி, 

கீழும் மேலும் ஆட்டுவார் வலதுசாரி

எல்லாமும் எல்லாமும் ஒவ்வொரு வியாதி... 

குடி மறுவாழ்வு மையங்களின் நடத்தை சரியில்லையாம்

சரிதான்... சரிதான்... 

நியாயமான கூற்று தான்

உடல்நிலை சரியில்லாததால்

மருத்துவமனைக்கு போனான்

மனநிலை சரியில்லாததால்

மனநிலை காப்பகம் போனான்

வாடகை ஏற்றத்தால்

பத்து வீடுகள் மாறிப் போனான்

தாய் நாட்டில் தொடர்ந்து போர்

அகதிகள் முகாமிற்குத் தப்பிப் போனான்

இல்வாழ்க்கை பிடிக்காமல்

துறவு வாழ்வைத் தேடிப் போனான்

கலவில் மாட்டிக் கொண்டு

சிறைச்சாலைக்குப் போனான்

வன் கொலைச் செய்தான்

தூக்கு மேடைக்குப் போனான்

என்ன செய்து என்ன செய்து

குடி மறுவாழ்வு மையத்திற்குப் போனான்? 

குடி மறுவாழ்வு மையங்களின் நடத்தை சரியில்லையாம்

சரிதான்... சரிதான்... 

நியாயமான கூற்று தான்

இதயத்தில்

கூடு கட்டுகிறது

அடிக்கடிக் கீச்சிடுகிறது

ஆள் அரவம் இல்லாத

இந்த இடத்தை

எப்படிச் சரியாக தேர்ந்தெடுத்தது? 

அது பறந்து போகையில்

இதமாக இருக்கின்றது

இருந்தாலும்

எப்போது வந்தமரும்

என்றுதான்

இதயம் துடிக்கின்றது... 

நெடுங்காலம் இருப்பதாலே

அந்தப் பறவைக்குப் பெயர் வைத்தேன்

மனதிற்குள் உச்சரிப்பேன்

பறவைக்கும் சொன்னதில்லை

பெயரைத்தான் சிறை வைத்தேன்

உயிரே

உனை ஒருபோதும் வைக்க மாட்டேன்

நீ 

இருந்தால் இரு

பறந்தால் பற... 

இனிய பிறந்தநாள் வாழ்த்துகள் வைரவ்

பார்க்கவில்லை

பேசவில்லை

இருக்கத்தான் செய்கிறது கடவுள்

இருக்கத்தான் செய்கிறது அன்பு

யார் தடுப்பது? 

இயற்கை விதித்தது

மலரும் கனியும்

மழையும் காற்றும் ஒளியும் இருக்கிறது

யார் தடுப்பது? 

இயற்கை விதித்தது

நம் உறவை... 

பாடல் 11

இரு கண்கள் இதமாய் இணைகிறதே

இருக்கின்ற நிமிடங்கள் மறைகிறதே

இதய வாசல் திறக்கிறதே

இதழ்கள் மட்டும் மறுக்கிறதே 

விரல்களின் தயக்கம் விடுபடுமா

வீணையின் கேள்விக்கு விடை வருமா

வண்ணம் எல்லாம் உரு பெறுமா

என் காதல் ஓவியம் உயிர் பெறுமா

பனிமூட்டப் பாதை உள்ளே 

பார்வை தெரியாமல்

பாவை நெஞ்சம் அது 

சிறையென்று அறியாமல்

சிக்கித் தவித்தேன் 

காதல் பித்துப் பிடித்தேன்

மோகம் எனும் தீயினுள்ளே 

நாளும் குளித்தேன்

மீண்டும் வந்தாள் என் தேவதையை

தயக்கம் என்னில் இன்னும் போகலையே

நீங்கிச் சென்றாள் சிறு சிரிப்புதிர்த்து

பின் தொடர்ந்தேன் அவள் நிழலணைத்து

இரு கண்கள் இதமாய் இணைகிறதே

இருக்கின்ற நிமிடங்கள் மறைகிறதே

இதய வாசல் திறக்கிறதே

இதழ்கள் மட்டும் மறுக்கிறதே 

விரல்களின் தயக்கம் விடுபடுமா

வீணையின் கேள்விக்கு விடை வருமா

வண்ணம் எல்லாம் உரு பெறுமா

என் காதல் ஓவியம் உயிர் பெறுமா

பனிமூட்டப் பாதை உள்ளே 

பார்வை தெரியாமல்

பாவை நெஞ்சம் அது 

சிறையென்று அறியாமல்

சிக்கித் தவித்தேன் 

காதல் பித்துப் பிடித்தேன்

மோகம் எனும் தீயினுள்ளே 

நாளும் குளித்தேன்

மீண்டும் வந்தாள் என் தேவதையே

தயக்கம் என்னில் இன்று காணலையே

பக்கம் வந்த அவள் கைவிரலை

பற்றிக் கொண்டேன் அவள் விலகவில்லை... 

கண்ணில்

யாவும் கடவுளானால்

உன்னில் உலகம் கோவிலாகும்... 

கண்ணீர் அஞ்சலி

குற்றம் குறைய பாடுபடுவோம்

குற்றம் கலைய பாடுபடுவோம்

இந்தியராய் ஒன்றுபடுவோம்... 

இனம் பேசி

சினம் கூட்ட

தொடும் குற்றம் உச்சியை... 

கட்சியை, ஆட்சியை, பதவியை

கடந்து நின்று

இந்தியராய் காட்டுவோம் சக்தியை... 

குற்றம் குறைய பாடுபடுவோம்

குற்றம் கலைய பாடுபடுவோம்

இந்தியராய் ஒன்றுபடுவோம்... 

நாளும் எரியும் தீ

எந்நாளும் அணையா தீ

நீ எழுதி எழுதி வளர்க்கும் தீ

அன்பால் அணைக்கும்

அறியாமை அகற்றும்

பொதுவுடைமை உன் உயிர்த் தீ... 

ஜெயமோகன் அவர்களுக்கு

இனிய பிறந்தநாள் வாழ்த்துகள்

தூண்டில் மீனின்

தவிப்பில் இருக்கிறது

பிரிவின் வலி... 

இங்கும் அங்கும்

அலையும் மீன்கள்

யாரை தேடுதோ... 

எல்லோர் வாழ்விலும் உண்டு

தூண்டில்கள்

தேடல்கள்... 

சிலுவையை

பிறர்க்காக சுமப்பவர்

பரம பிதா

தனக்காக சுமப்பவர்

பரம குடி 

அறையப்படுவது மட்டுமில்லை

அணைக்கப்படுவதும் சிலுவை

ஆமென் ஆமே... 

இயற்கை சிலுவையில் அறைந்து

இரத்தம் சிந்துகிறாள் பரம மாதா

மூன்றாம் நாளில் உயிர்த்தெழுகிறாள்... 

சிலந்தி வலை

சிலுவை ஆனது

பட்டாம்பூச்சி 

பரம பிதா ஆனது

மூன்றாம் நாளில்

காணவில்லை

உயிர்த்தெழுந்து எங்கே போனது... 

காற்றின் மௌனத்தை

கலைத்துப்போடும் நாக்குக்கு

வாய்ச் சிறையில்

ஆயுள் தண்டனை... 

வானே மழை

வானே குடை

எல்லாம் கடவுள் கையில் இருக்கிறது... 

செருப்புகள் வாய்த்த

பாதங்கள் கூட

ஏகபோகமாய் வாழ்பவையே... 

புதிய இலைகள்

புதிய பூக்கள்

வருடாவருடம்

தழைக்கட்டும் தாவரங்கள்

செழிக்கட்டும் உயிர்கள்

காக்கட்டும் வேர்கள்

இனிய தமிழ் புத்தாண்டில்

இனி இயற்கை

எல்லோர்க்கும் பொதுவாகட்டும்

உலகம் போர் இன்றி மாறட்டும்... 

விழித்துக் கொண்டிருக்கையில்

சுவாசித்துக் கொண்டிருப்பது

தியானம்

தூங்கிக் கொண்டிருக்கையில்

சுவாசித்துக் கொண்டிருப்பது

ஞானம்

என் மடியில் நீ தூங்கி 

நான் பார்த்திருந்தைத்தான்

தூங்காமல் இப்போதும் பார்த்துக் கொண்டிருக்கிறேன்

தூக்கமின்மை 

எனது நோயாம்

சொல்கிறார்கள்

நோய் முற்றிப் போகட்டும்

விடிய விடிய அவள்

என் மடியில் தூங்கட்டும்... 

கடவுள் சிரிக்கிறார்...

சாகா வரம் வேண்டுகிறேன்

தினம் தினம்

செத்துப் பிழைத்து வாழும்

இந்த வாழ்வில்... 

மனதிற்கு இனிய பாடல்களை

இசையமைத்து எழுதியது யாராயினும்

இதயம் வரை கேட்பதற்கு

நீயே காரணம்... 

மகிழ்ச்சி

தேடி அலைவோர்க்கும்

வாங்க நினைப்போர்க்கும்

நிச்சயம் இல்லை

தோன்றி மறையும்

நிழலென்று நினைக்கும்

நாமும் நிழல்... 

சரியாகவே நடந்தாலும்

திருப்பங்கள் வரும்போதெல்லாம்

உன் நினைவோடு மோதி விடுகிறேன்... 

நண்பர்கள்

 

வெகு நாட்களுக்குப் பிறகு சந்தித்தோம்

அர்த்தமில்லாததையே பேசினோம்

அர்த்தமுள்ளதாக மாறியது பொழுது

அர்த்தமுள்ளதாக தோன்றியது வாழ்வு... 

நீயில்லாமல்...

நினைவெல்லாம் வண்ணங்கள்

கனவெல்லாம் வானவில்

நிஜம் மட்டும் கருப்பு வெள்ளை

நிதர்சனம்

பறக்கத்தான் போகிறது

நேசம் கொண்டு பூவில் வந்த

பட்டாம்பூச்சி... 

காய்ந்து உதிர்ந்த  இலையின் ஈரம்

காயாமல் இருக்கிறது கிளையில்

முத்தமாக... 

அமுது...

தாகம் தீர்க்க

கண்ணீர் தேடி வரும்

இரவு

இருளுக்குள் 

சுரக்கும் சுனையை

சத்தமில்லாமல் பருகும்

நான் அழுது 

நீ குடிக்க வா

கண்ணீர் பால்

இப்படியே இப்படியே

இல்லாமல் போகிறது

எனக்கான நாளைய பால்...