வளர்ச்சி

முன் இரு கால்களும்
கைகலாய் மாறியது
நாகரிகத்தின் துவக்கம்

கண் பார்த்து
நாசி நுகர்ந்து
நாவால் ருசித்ததுவும் வளர்ச்சி

சுற்றும் அறிந்து
சுற்றம் பகிர்ந்து
கூடி வாழ்ந்ததுவும் வளர்ச்சி

கண்கள் மூடி
கால்கள் இன்றி
மனதின் பயணம்
கண்ட மெய் ஞானமும் வளர்ச்சி

இவையாவும் அறிவின் முதிர்ச்சி

பின்னர் வந்தது விஞ்ஞானம்
வளரத் தொடங்கியது வியாபாரம்

செல்வந்தர்களை
செயற்கை ஒளி பிரகாசித்தது
வானூர்தி வான்வழி சேர்த்தது
இதன் உச்சம்
நிலா சோறு சாப்பிட்டவர்கள்
நிலாவில் சாப்பிட விரைகின்றனர்

இல்லாதவர்களைப்பற்றி பேச
நானென்ன அரசியல் வாதியா
என் வியாபாரம் அதுவல்ல...

என் வியாபாரம்
எண் வளர்ச்சி
சுயம் மறப்போம்
சுயநலம் காப்போம்.

கனவு

நித்திரையில் ஒர் புதுவுலகம்
இவ்வுலகில் மனம் உலவும்
உறக்கத்தில் ஏனிந்த ஊர்வலம்...

கண் காண
மனம் சித்தரிக்கும் - கனவோ
மனம் காண
உணர்வுகள் சித்தரிக்கும்

வானத்தை தலைகுனிந்து
பார்க்க வைக்கும்

விண்மீன்களுக்கு தூண்டிலிடும்

நிலவை
உள்ளங்கையில் சிறைபடுத்தும்

அவ்வுள்ளங்கைதனை
சிட்டெறும்பும் விழுங்கவைக்கும்

கண்ணுக்குள்
காதலியை உறங்கவைக்கும்
இமையை
விசிறியாக்கி விசிறவைக்கும்
கண்ணீரால்
உறக்கம் கலையுமென்று
அணையொன்று
கட்டிவைத்து அதைத்தடுக்கும்

இதனை
விலைகொடுத்து வாங்கமுடியாது
விரைவில் கூட
காணமுடியது

நினைவுத்தாய்
பெற்றெடுத்த இக்குழந்தை
மனத்தரையில் தவழ்வதேனோ...